If you never try...
Archivado en Idazketa tailerra • Fecha: 23-07-2007 15:39:58Banuen 2007arekin itxaropena. Urte denek bezalaxe baditu bere une onak eta ez hain onak. Hala ere, esperantza pixkabat itzuli da. Eta hori ez da gutxi.
Kasu honetan, ordea, esperantza ez da bakarrik etorri. Ausardia pixkabaten ondoren iritsi da. Biak batera etorri dira. Ez da nahitaezkoa, baina kasu onetan hala behar zuen izan. Biak batera ez badatoz bietako inor ez dator. Haiekin batera konfidantza apur bat etorri da, segurtasun zertzeladaren bat.
Amestea egin beharreko zerbait da. Batzuetan hegoak jarri eta altuegi hegan egitean erortzeko arriskua izaten da. Hegoak ebakitzea, ordea, ez da irtenbidea. Saiatu egin behar da.
Napoka Iriaren abesti batek dioen bezala: "Inoiz lortu al duzu ezer? Inoiz saiatu al zara bederen?".
Coldplay-ek e hala dio "Fix you" abestian: "But if you never try you'll never know just what your worth".
Ama bakarra
Archivado en Orokorra • Fecha: 22-07-2007 14:16:33Ama bakarra dugu eta ondo zaintzea komeni da. Hori dela eta, txoko honetatik nire zorionik beroenak eman nahi dizkiot. Egun zoragarria igaro dezala opatu eta urte askotarako esan nahi diot hemendik.
ZORIONAK AMA!!!
Beldurra
Archivado en Idazketa tailerra • Fecha: 09-06-2007 17:02:45Beldurra ematen didate, beldurra.
Horregatik, eurengandik ihesi nabil.
Ene sentimenduek beldurra ematen didate.
Esperantza
Archivado en Erreala • Fecha: 07-05-2007 13:53:38Garai txarra da errealzaleontzat. Ez dugu denboraldi xamurra bizi. Kontu hau ez da oraingoa, ordea. Aspalditik datorkigun gaitza da, baina ez dugu sendabiderik topatzen. Horixe da okerrena.
2003.urteko ezusteko pozgarri hura kenduta, sufritzea tokatu zaigu txuri urdinen zaleoi. Ohituak gaude horretara, eta hori da okerrena. Ez dago sufritzera ohitzea baino seinale txarragorik. Horixe omen da bizitza, sufritzen ikasi eta egoera horretara ohitzea.
Larunbatean ereb kale egin genuen Bartzelonaren aurka. "Genuen" diot, nahiz eta nik ez nuen jokatu. Lotinak ez du lan makala eskuartean. Jokalariak dira zelaian borroka irabazi behar dutenak, eta eurena da azkeneko erantzukizuna.
Azkenaldian izan dugun berri on bakarra Aranbururen kontratu berriarena izan da. 2010.urtera arte sinatu du, nahiz eta oraindik ez dakien zein mailatan jokatu beharko duen. Gutxik egiten dute hori. Beste batzuk liga amaieraren zain daude zer egin jakiteko. Mikel bezelako jokalariak behar dira, euren konpromezua muturreraino eramaten dutenal. Aranburu realzale askoren jokalari kuttuna da eta ez da harritzekoa. Beharbada gehiegi eskatu diogu azpeitiarrari. Berak eman eman du behintzat.
Gero eta itxura txarragoa du honek. Hala ere, itxaropena omen da azkena galdu beharrekoa. Sarrionaindiak hauxe dio "Ni ez naiz hemengoa" liburuan: "beste filologo eta filosofo batzuentzat, finean, Pandoraren mitoan esperantza ez da zentzu idealeko esperantza edp itxaropena, baizik eta zentzu errealekoa, hau da, esperoa. Esperantza ez litzatzeke itxarotea besterik". Itxaron egin beharko dugu orduan.
Egun madarikatuak
Archivado en Idazketa tailerra • Fecha: 06-05-2007 16:56:24Inoiz izan al duzue egun madarikatu xamar horietakoren bat? Izango zenuten ziurasko. Nik aurrekoan izan nuen, baina gauza onik ere izan zuen. Dena ez da beti txarra izaten, zorionez.
Erreakzio alergiko horietako bat izan nuen ostiralean. Zerk eragin zidan? Arrastorik ere ez. Nik dakidala ez dut alergiarik, baina zerbaitek sortu zuen hura guztia. Ez nuen ezer arrarorik jan gosaltzeko. Esnea edan nuen eta sagar bat jan. Zuritu gabe jan nuen eta agian hori zen arazoa. Gaur egun fruitu eta barazkie hainbat produktu kimiko botatzen diete eta beharbada horietakoren batek egin zidan erreakzioa.
Beti izan naiz fidakaitz xamarra gauza horiekin: produktu kimikoak, botikak...Katarro sinple bat dudanean ere, ahal bada botikarik ez hartzen saiatzen naiz, eta hartzen badut ahalik eta gutxien.
Hala ere, ez dut neure burua engainatuko. Ez dakigu zer jaten dugun. Oilaskoen gripea edo behi eroen kontuek majo harrotu zuen hautsa. Zenbat gauza jaten ote ditugu beste hainbeste gauza izango dutenak? Bata ez bada bestea. Bada esaera on bat gaztelaniaz: "lo que no mata engorda". Bai jauna.
Horrelakoetan hurrengo eguna hobea izango den esperantza izaten duzu. Bada, hurrengo eguna iritsi eta okerragoa ez zen ba izan! Zer egingo diogu biharamuna akaso hobea izango da. Azkenean iritsi da eguna.
Gaur, Iurretako neska gazte ero baten urtebetetzea dugu. Aspaldian ez du hemen idatzi, baina ea bere poema horietakoren bat jartzen duen, besterik ez bada ere. 21 urte betetzen ditu eta urte askotarako esan nahi diot hemendik.
ZORIONAK UDANE!!!