lainformacion.com - Medio Oficial de los Premios Bitacoras 2009
Andoni Egaña, abenduan laugarren aldiz bertsolari txapelketako txapela jantzi zuena, solasean arituko da bihar batzar aretoan. Bertsolariaren hitzetan, " pertsonen arteko komunikazioa ahozko adierazpideen bitartez gauzatzen da gehienetan. Azken boladan, ordea, adierazkortasuna galdu dugu". Egañaren ustez, "ahozkotasunaren bigarren aroan bizi gara eta ahozko hizkera ongi menperatzea gero eta beharrezkoagoa den arren, oraintxe ari zaigu gehien pobretzen"
Idiazabalen ere izan zen orain dela gutxi, eta jaso berri duen Sabino Arana sariak poza eman ziola adierazi zuen. Sari hori ez dela berea soilik esan zuen, baizik eta bertsolaritzak gizarteari egiten zion ekarpena azpimarratzen zuela. Horrez gain, kezkatu xamar zegoen adinean aurrera zihoala iruditzen zitzaiolako gainerako sarituei erreparatuz (Jordi Puyol eta Jose Maria Setien esaterako).