Kataluinian bizi diren euskaldunek eta euskal jatorria dutenek EHNA (Euskal Herriko Nortasun Agiria) tramitatu ahal izango dute ekainetik aurrera, Udalbiltzak eta Bartzelonako Euskal Etxeak larunbatean sinatutako akordioari esker.
Euskal Herritik kanpo bizi diren euskaldunei euren hiritartasun eskubidea bermatzeko insitututu nazionala egiten ari den kanpainaren barruan egindako aurrerapausoa da hau. Pasa den azaroan Argentinako beste euskal etxe batzuekin ere sinatu zuen Udalbiltzak gisa honetako akordioa.
Akordio hau Bartzelonan sinatu zen, eta bertan izan ziren institutuaren ordezkari den Peio Gascon, eta bertako Euskal Etxekoen izenean joan zen Aitor Urrutia.